Txaramela pasta EHko pasta ekoizleekin batera Berria aldizkarian

Pasadan zapatuan, Berria aldizkarian, Euskal herrian modu agroekologikoan pasta ekoizten ari garenon erreportaia argitaratu zen. Zituene, Errenterian; Martinelli, Beriainen eta Txaramela, Muskizen kokatuak.

Lurra eta osasuna, espiral berean izenburu duen erreportaian proiektu bakoitzaren deskribapena topatuko duzue beraz hemen duzue link-a.

LURRA ETA OSASUNA, ESPIRAL BEREAN

 

 

TXARAMELA EGIN ETA EKIN PROGRAMAN

escuela para adultos 8 - txaramelakoop

EZINA EKINEZ EGINA!

TXARAMELA  EGIN eta EKIN programan

Gure garaian Egin eta Ekin bezalako proiektua egon balego…..zorte handiko gazteak dira programa honetan parte hartzen dutenak!!!jaiotzen garenetik ikasketak amaitu arte gure bidea «nahiko zehaztuta» dago eta sormena eta ekintzailetasuna askotan alde batera geratzen dira.

Ikasketak bukatu eta zure buruari galdetzen diozu, eta orain zer? zer demontre? zein enpresan hartuko naute? gustura egongo naiz? gustokoa izango dut? horregatik, gaztetatik ekintzailetasuna garatzea eta ikustea etorkizunean hainbat aukera existitzen direla, mota askotakoak, ezinbestekoa da.

 Laugarren urtea da Egin eta Ekin programan parte hartzen dugula. Guretzat oso interesgarria iruditzen zaigu ikasle gazteen aurrean ipintea eta gure esperientziaren bidez aurkitu ditugun oztopoak eta alternatibak geletara hurbiltzea.

Gazteei gure proiektua erakutsi baino lehen ez genion hainbesteko garrantzia ematen egindako lanari baina gero ohartzen zara zein garrantzitsua den sortzea, eratzea eta zuk eraikitzea zure proiektua, zuk nahi duzun modua, zure bidea eta bizimodua aukeratuz.

 Hori bai, kontutan eduki behar da edozein gauza hasieratik eraikitzea ez dela  erreza eta pazientzia ekintzailetasunaren gakoetako bat dela, ezina ekinaren ekinez egina.

Uste dugu, arlo ezberdinetako proiektuak erakustea gazteei errealitatera hurbiltzen dietela eta balio handikoa tresna dela haien ideiak garatzeko. Gure kasuan konkretuki beste lanketa gehitua daukagu, lan mundutik hain desagertua dagoen lehenengo sektorera hurbildu eta aukera duin bat dela ikustaraztea.

Hezkuntzan, horrelako sormen espazioak bultzatu eta landu behar dira, gaztetatik ekintzailetasuna garatu dezagun!!!

Sukaldaritza eskoletan

Arteako Eskolako umeek 2019. ikasturtea, Txaramelarekin batera jaki ezberdinak ezagutzen eta errezeta ezberdinak egiten ikasten hasi dute. Klaseak bukatu bezain laster poz-pozik datoz janari ezberdinak ezagutzeko gogoekin.

Txaramela Elikadura eta Ingurumen hezkuntza Eskolan sortu dugun “Sukaldaritza eskolan” ikastaroan, janaria prestatzen duten bitartean gure elikatzeko erak ingurumenean eta osasunean daukan garrantzia ikasten dute.

Lehenengo asteak zerealak lantzen ari gara,(artoa,garia,oloa…) hauen jatorria, integrala jatearen garrantzia azaltzen diegu eta kolore eta forma ezberdinak lantzen, errezeta osasuntsu eta erakargarriak prestatzen dituzte, sormena landuz.

Zerealen ostean, Neguko barazkiak izango dira protagonista, sasoian sasoikoa jatea eta bertakoa jatea zein garrantzitsua den ikusiko dute eta oso gogoko ez dituzten azalorea, brokolia, aza etb jateko errezagoak diren beste era batzuetan prestatuko dituzte.

Umeak banaka eta taldeka ere arituko dira beti euskaraz, haien elikaduraren protagonistak izanik, modu honetan balio gehiago emango diote janariari.

Elikadura burujabetza helburu gizartean eraldaketa sortzeko, lanean hasi behar gara gazteenetatik hasita, iraultza sukaldean hasten delako!

 

 

Pasta Ikastaroa Gastrolopithekus eskolan

Urtea energiarekin hasteko urtarrilaren 29an, Gastrolopithekus eskolan pasta ikastaroa egingo dugu. Pasta egiten ikasi eta gastrolopithekus eskolako Enaitzegaz batera pastarekin plater ezberdinak prestatuko ditugu. Pasta egiten ikasteaz gain, zelan prestatu eta integrala eta ekologikoa jatearen garrantzia ere ikasiko dugu.

Kartelean agertzen den moduan, urtarrilaren 29an, arratsaldeko 19:30etan izango da Barrenkale 26 zenbakiko Nordisk txokoan. Interesatuta egonez gero, lolagastro@gmail-era idatzi edo 631 144 187 telefonora deitu.

Elikadura burujabetza helburu, bertako elikagaiak, agroekologikoak eta osasuntsuak erabili!!!

Sarane, saski bat baino gehiago

Aurten Saraneko proiektuari beste ekoizle bat gehitu zaio, guztira sei ekoizle izanik. Lan ildo berdinean gauden sei proiektu ezberdin batzen ditu Saranek; Bizkaigane, Boga, Erain, Olatxu, Otumetxuko laba eta Gu geu Txaramela.

Sarane ez da saski bat bakarrik, Saraneko saskia erostean lehenengo sektoreko proeiktu txikiak eta plazak bultzatzen ari zara.

Bada historikoki harreman gune, salmenta espazioa, sektorearen presentzia islatu duena; plaza.

Plaza lez, identitatea, emozioak eta harremanak batzen dituen saskia dogu sarane, ekoizle eta kontsumitzaileen arteko zubi lana du oinarri. Harreman gune honi, zuzeneko salmenta espazio hori, saski honen bitartez sortua.

Sei proiektu gara, sei identitate elikadura burujabetzaren bidean elkarlanean, proiektu bakoitzaren islada da Sarane.

Txikitasunetik eraikitako proiektua, agroekologiaren baloreak ardatz era artisauean sortu eta landuak. Gutako bakoitzak, prozesu osoan era aktiboan lan egiten dogu:lurraren lanketatik, transformazioa eta zuzeneko salmenta arte, lan bakoitza zaindu eta mimatuz.

Plazak barnebiltzen duen harreman gune hori, salmenta zuzenerako apustu hori, etorkizun duin bat elikatzeko gogo hori du Saranek.

Gurekin harremanetan jartzeko:

saraneproiektua@gmail.com

teléfono zkia: 688900541

Facebook/ Sarane Proiektua

Bertan bideoa ere ikusi dezakezue

Eskerrik asko eta On egin!!

 

Non geratu dira plazak?

Mungiako plaza

Duela pare bat urte, lehen sektorean ari garen hiru lagunok Txilintxoie bloga sortu genuen.Txilointxoie gariaren artean hazten den belar txar bati deitzen zioten Jatabe aldean. Holan ikusten genuen gure burua , porlan artean ernaldutako belaunaldi berria, sasoi batean errotik ateratako belarra berriz hazi guran, gariaren artetik gora egin gura genuen. Belar txarra sekulan ez delako galtzen gure hazia ereiteko artikulu batzuk idatzi genituen.

Gaur, Mungiko plazara bidean horietako artikulu batetaz gogoratu naz

 

NON GERATU DIRA PLAZAK?

Espazio publikoen erabilera indartu nahiean ibiltzen gara askotan, kalea berreskuratu nahiean, dinamika oro plazan aurkezteko apustua egiten dugu. Bada historikoki baserritarren harreman gune, salmenta espazioa, sektorearen presentzia isladatu duena: plaza Astero, hutsik egin gabe, bizirik dagoen espazio publiko izkutua. Agorturik ote?

 

Dudarik gabe, plazak gure herrietako zati nabarmena dira. Herriko gune publiko eta ireki hau, herriaren erdigunean garatzen da. Identitatea, emozioak, eta harremanak batzen dituen ontzi bat da. Fisikoki espazio hutsa izan arren, hainbatetan esangurez betetzen da gizarte bizitzaren harrera gune bihurtuz.

Plaza, bestelako ekintzak antolatzeko erabiltzen dugu; jaialdiak, mitinak, dantzaldiak … eta nola ez merkatu ezin hobea da! Urte askotan zehar baserritarrek bertan bere produktuak plazaratu dituzte. Gaur egun ere, Euskal herriko herri batzuetan, tamalez, gero eta herri gutxiagotan,  astean behin plaza kolorez eta soinuez betetzen da bitartekari gabeko salmentarako prest.

Astero, gure kasuan barikuro, bertoko produktoreak batzen ditu plazak. Harreman gune hori, salmenta zuzenerako apustu hori, etorkizun duin bat elikatzeko gogo hori, astero, barikuro

Badira bertaratzen diren gazte gutxi. Kuku bat egitera hurbildu eta kasualitatez bertoko produktuak ezagutzen dituztenak. Betiko fidelak, gehienak jada bastoiaz lagunduta, tinko mantentzen direnak.

Duela aste batzuk hauxe entzun genuen: “ eztakit edadea dan ala ez, baia halako ekimen txiki honekaz gero eta gehiago disfrutatzen dot”. Nostalgikoen gune bilakatu ote da plaza?

Kontsumo eredua aldatu dala badakigu, espazio handi, koloretsu, erakargarriek asetzen dituzte gure beharrak. Espazio erosoak, “nahi duzun” oro eskeiniko dizutenak. Edo hori da saldu digutena?

Espazioak ez dira berez edo euren egituragatik definitzen, ezpada bertan garatzen diren jarduerengatik baizik,  plaza jenderik gabe ezin da inola ulertu, bertoko produktoreok kontsumitzaile barik ezin dugu bizi.

Bada erreleboa, bada gogoa, baina plazak ezin du alde bakarrez elikatu. Agorturik ote da, egungo gazteen erritmora egokitu behar ote da, edo ordez gazteok plazaren erritmora  egokitu behar gara plaza bizirik iraun dezan?  Duda barik gune publiko eta ireki hau gizarte aldakuntzen lekuko isilik da.

 

 

 

 

 

Entrevista a Pasta Txaramela

Buscarse la vida. Prueba y error. Son ideas que han valido siempre y que en los últimos años se han extendido hasta límites insospechados y no siempre por deseo o voluntad de los interesados. En ese camino se encuentran ahora Ainara Baguer e Izaskun Urbaneta, jóvenes, resueltas a aprender y a sumergirse en un mundo que aquí resulta casi inexplorado: la elaboración de pasta. El resultado de sus trabajos es Txaramela, la marca, y cinco deliciosos productos. De su obrador salen tallarines, espirales, caracolillos, estrellitas para sopa (¡qué recuerdos de la infancia!) y placas para lasaña, con la garantía de ser ecológicos e integrales. Y poco a poco, la cosa marcha, se han dado a conocer en ferias, los particulares les encargan género y sus talleres, en los que explican el valor de lo sano y lo cercano, ayudan a entender una filosofía y a degustar delicias saludables.

Ambas trabajaban en una empresa de educación ambiental pero pensaron reconducir sus pasos profesionales sin abandonar el espíritu formativo y colaborativo. Proyectaron recuperar un molino de agua al tiempo que sembrarían cereal e impartirían talleres para la elaboración de pan o talo. Pero uno propone y las amigas disponen el curso de las ideas. Alguien les preguntó por qué no producían pasta, un campo virgen a caballo entre el mito de Italia y la gran industria alimentaria.

En plan pirata

«Nos pusimos a hacer pasta a nivel casero con la idea de cubrir un vacío», afirma Ainara. El año 2011 fue intenso: cursos, viajes a Navarra para aprender a sembrar trigo y a Francia, donde les enseñaron técnicas para la elaboración de la pasta. Un año después empezaron a explorar el mundo de los consumidores para «averiguar si tenía salida», subraya Izaskun. Durante un tiempo comercializaron género «un poco en plan pirata» entre gente de confianza, pues aún ignoraban dónde se metían. La experiencia, que habría desanimado a muchos («metíamos muchas horas y obteníamos poca cantidad»), las convenció de que el esfuerzo valía la pena, así que legalizaron la marca y recabaron los registros sanitarios que les permitirían vender en tiendas o ferias.

El objetivo de poner en marcha un negocio que no traicionara sus ideas de defensa de la salud y el medio ambiente las llevó a elegir la vía de la ecología, con trigo y verduras adquiridos a productores cercanos, «gente a la que conocemos, explotaciones familiares en las que confiamos». Uno de sus objetivos es recuperar variedades de cereal perdidas, mientras tratan de localizar un suministro estable de trigo duro… porque esa es otra: la pasta se elabora con trigo duro, que necesita mucho sol, al contrario del trigo blando, empleado para el pan. Y para ello andan en conversaciones con una campesina navarra.

Su segunda rama es el género integral, «en el que hay mucho engaño», explica Ainara. Para explicarlo brevemente: lo integral se obtiene de la molienda de todo el grano, que se compone de salvado, el germen y la endosperma, y sus principales valores nutritivas se encuentran en los dos primeros componentes. La industria, sin embargo, prescinde en buena medida de ellos porque, entre otras cosas, limitan la caducidad de la pasta.

Ingredientes tentadores

La fórmula de la pasta de Txaramela es tan antigua como la cocina más básica, como el pequeño molino de piedra que utilizan para su producto integral: harina, agua y algún ingrediente natural, sin conservantes ni colorantes. Eso sí, la lista de verduras, especias o frutas con las que enriquecen la materia básica es larga y tentadora: remolacha, calabaza, puerros, calabacín, espinacas, cebolla, curry, ajos y ¡ortigas! En una feria presentaron incluso pasta elaborada con vino tinto.

Su especialidad es la pasta seca, la que generalmente tienes en casa, pero bajo pedido comercializan pasta fresca elaborada en un molde de bronce, a la antigua, que confiere a la sustancia una rugosidad que ayuda a que las salsas se impregnen mejor. En las ferias, en los talleres, tratan de inculcar a sus potenciales clientes las virtudes de una alimentación saludable, que es buena de por sí y porque el empleo de materia prima cercana mantiene vivas las explotaciones agrícolas. Entretanto, producen, reparten, hacen publicidad, diseñan su imagen y lidian como buenamente pueden con el papeleo. «Es lo que tiene ser autónomas», bromea Izaskun.

Sasoiko barazkiekin eta txaramela pastagaz egindako lasaña

Txoriene programan egon giñen orain dela hiru urte eta hau izan zen egin genuen errezetako bat, sasoiko barazkiekin egindako lasaña.
Orain da basoan onddoak eta perretxikoak hartzeko garaia eta iderrak ereiteko garai bebai, beraz, momentu ona izozkailutik iazko azken iderrak ateratzeko eta lasaña gozo hau prestatzeko.
Ikusi bideoa eta animatu zaitezte etxean egitera, on egin!
Hace tres años estuvimos en el programa de Txoriene y esta fue una de las recetas elaboradas allí, lasagña de verduras de temporada.
Ahora es la época de recoger hongos y setas en el bosque y de sembrar los guisantes también, por eso, estaría bien ir utilizando esos guisantes que tenemos en el congelador todavía del año pasado para hacer esta rica lasagña.
Ver el vídeo y animaros a hacerlo en casa, ¡buen provecho!
Talleres niños - Txaramelakoop 1

Txaramela Pasta Eskolako Jantokietan

Azkenaldian eztabaida handia sortu da eskoletako jangelen ereduaren inguruan. 2000urteko araudiaren ostean ikastetxe publikoko jantoki guztiak catering empresa batek gestionatzen baitu sukaldeak desargertzen joan direlarik.

Familiak haien umeen elikaduraz kezkatzen hasi dira, zer jaten duten jakin nahian. Hori dela eta, guraso elkarteengandik bultzatuta eta beste elkarte batzuengatik bebai ekimen berriak sortu dira jangelen kudeaketa aldatu ahal izateko.

Ekimen hauen bitartez, janaria osasuntsua, bertakoa eta justua izatea aldarrikatzen da eta horretarako zubi berriak eraiki behar dira lehenengo sektoreekin eta landa eremuarekin. Oso garratzitsua da umeek ezagutzea nondik datozen jaten dituzten elikagaiak, zelan ekoizten diren etab. Eskolako jantokiek badutelako balore pedagogikoa, elikadura, ingurunea eta kultura ezagutzea.

Jateko pastari dagokionez, gaur egun, ikastetxeetako jantokietan jaten duten pasta agroindustriatik dator. Ekoizterakoan  irin  refinatua lortzeko, kalitate txarreko  garia   erabiltzen dute. Ingurunearen eta gizakion osasuna kontuan hartu gabe. 

Gure pasta ekoizterakoan lehengaiei eta ekoizpen prozesuari garrantzia ematen diogu. Lehenik eta behin, erabiltzen ditugun zerealak modu ekologikoan ekoiztuta daude. Guk garaua jaso eta harrizko errota batean garaua osorik ehotzen dugu nutriente guztiak erabiliz.  Lortzen dugun irin integrala barazki , fruta eta belar aromatiko ekologikoekin nahasten dugu. Horregatik, urteko sasoiaren arabera pastaren kolorea eta zaporea aldatuz doa.

Hau dela eta, eta ondoren aipatuko ditugun beste hainbat arrazoiengatik funtsezkoa da Txaramela Pasta eskolako jantokietan egotea.

  1.  Jangeletara kalitate handiko produktuak iristea beharrezkoa da, mimoz eta zentzuz eginda.

  2. Eragin handia dauka ikasleen osasunean: bitamina, proteina eta nutrienteak ezin hobeak dira.

  3.  Ez dute gehigarririk, ezta kontserbatzaile artifizialik ere. Irin finduarekin lortutako pasta baino naturalagoa eta gozoagoa da

  4. Bertako nekazaritza ekologikoa bultzatzen du, umeen artean kontzientzia latzen. Polita, baliagarria eta oso logikoa da.

  5.  Gaur egun jantokia umeen heziketan atal garrantzitsua izan behar da, janari desberdinak deskubritzen dituzte.

  6. Gauza berriak ezagutzeko aroan daudenez, “testurak, zaporeak, usainak …” asko zaindu beharreko garaia da.

  7.  Txaramela Ingurumen eta Elikaduraren Hezkuntza Eskolan eskeintzen ditugun tailerren eta material didaktikoen bidez pasta ekologiko eta integrala jatearen garrantzia hobeto ulertzeko aukera izango dute ikasleek.

Txalotzeko moduko da guraso eta irakasle batzuen esfortzua. Oztopo guztien gainetik,   bertako baserrietan ekoiztutako elikagaien bidez,  ikastetxeetako jangeletan elikadura ekologikoa eta osasuntsua  txertatzeko proiektuak aurrera eramatearren.

Guk lanean jarraituko dugu kalitatezko produktuak ekoizten,  ama lurraren defentsa eta elikadura burujabetza oinarri izanik!

 

.

Ondo jateko errezeta mundialak / txaramela pasta

Ondo jateko errezeta mundialak (Sasoiko barazkiekin errezeta desberdinak egiteko sukaldaritza ikastaroak)

Gure jateko moduak eragin zuzena daukala ingurunean eta gure osasunean eretxita, Igitiek, Sustraiak katering ekologikoak eta Txaramelak  Ondo jateko errezeta mundialak izena duen sukaldaritza tailerrak antolatu dituzte. Hiru tailer dira. Lehenengoa, Hemen ez da ezer botatzen, probetxu osoa atera jakiei azaroaren 8an Lemoako Karabie Gaztetxean izango da; bigarrena, Zer egin gure kontsumo taldeko saskiarekin, azaroaren 15ean, Igorreko Kiñu Gaztetxean eta hirugarrena, Elikadura, kulturaren parte, munduari begira izenekoa, azaroaren 22an Arteako Herriko Bentan.

Bertako eta sasoiko barazkiak jatean, bertoko baserriak eta gure burua ere elikatzen ditugu. Bertoko ortuetan sasoi batzuk gogorragoak dira bariedadea murritzagoa delako eta horregaitik garrantzitsua da janaria prestatzeko orduan baliabide desberdinak eukitea.

Ikastaro honen bitartez, sasoiko barazkiekin errezeta ezberdinak prestatzen ikasiko dugu eta baita ere janariari lotuta dagoen kultura ere.

Esan bezala, hiru saiotan bananduko da ikastaroa eta saio bakoitzak bi ordu eta erdiko iraupena izango du;

Hemen ez dugu ezer botatzen, probetxu osoa atera jakiei!

Saio honetan, Txaramela Ingurumen eta elikadura hezkuntza eskolak, gure sukaldeetan sortutako jakien soberakinaz baliatuz, errezeta original eta errazak egiten erakutsiko digu.

Gainera, jakiak prestatzen ditugun bitartean erosketa arduratsuaren gakoaz hitz egingo digu, hondakin organikoak murrizteko.

Azaroak 8 Lemoako Gaztetxean 18:00retan

Barneratu barazkien munduan!

Saio honetan, Sustraiak katering ekologikoak, gure ortuetan dauden barazkiak ezagutzen eta erabiltzen erakutsiko digu.

Momentuan ortuan dauzkagun barazkiekin errezeta ezberdinak prestatuko ditugu.

Gutxiago ezagutzen ditugun barazkiak (mizuna, packchoy, kolinabo…) deskubritzen saiatuko gara; horretarako menu barazkijalea prestatuko dugu, lehenengo eta bigarren platerekin baita postrearekin ere.

Azaroak 15 Igorreko Kiñu Gaztetxean 18:00retan

Elikadura kulturaren parte, munduari begirada.

Hirugarren saioan, janariarekin lotuta doan kultura landuko dugu.

Horretarako, munduko herrialde ezberdinetako pertsonak, haien herrialdeetako plater tipikoak egiten erakutsiko digute. Haien ohitura eta errezetak deskubrituko ditugu baina hauek prestatzeko bertoko baliabideak erabiliko ditugu.

Azaroak 22, Arteako Herriko Bentan 18:00retan

Hiru saioak helburu berdina daukate baina independienteak dira, apuntatu zaitezke batera bakarrik bebai, beraz ez galdu aukera eta deitu edo bidali emaila hurrengo telefono edo helbidera.

info@sustraiakcatering.com

645046005 (Roser)