Txaramela pasta EHko pasta ekoizleekin batera Berria aldizkarian

Pasadan zapatuan, Berria aldizkarian, Euskal herrian modu agroekologikoan pasta ekoizten ari garenon erreportaia argitaratu zen. Zituene, Errenterian; Martinelli, Beriainen eta Txaramela, Muskizen kokatuak.

Lurra eta osasuna, espiral berean izenburu duen erreportaian proiektu bakoitzaren deskribapena topatuko duzue beraz hemen duzue link-a.

LURRA ETA OSASUNA, ESPIRAL BEREAN

 

 

Sukaldaritza eskoletan

Arteako Eskolako umeek 2019. ikasturtea, Txaramelarekin batera jaki ezberdinak ezagutzen eta errezeta ezberdinak egiten ikasten hasi dute. Klaseak bukatu bezain laster poz-pozik datoz janari ezberdinak ezagutzeko gogoekin.

Txaramela Elikadura eta Ingurumen hezkuntza Eskolan sortu dugun “Sukaldaritza eskolan” ikastaroan, janaria prestatzen duten bitartean gure elikatzeko erak ingurumenean eta osasunean daukan garrantzia ikasten dute.

Lehenengo asteak zerealak lantzen ari gara,(artoa,garia,oloa…) hauen jatorria, integrala jatearen garrantzia azaltzen diegu eta kolore eta forma ezberdinak lantzen, errezeta osasuntsu eta erakargarriak prestatzen dituzte, sormena landuz.

Zerealen ostean, Neguko barazkiak izango dira protagonista, sasoian sasoikoa jatea eta bertakoa jatea zein garrantzitsua den ikusiko dute eta oso gogoko ez dituzten azalorea, brokolia, aza etb jateko errezagoak diren beste era batzuetan prestatuko dituzte.

Umeak banaka eta taldeka ere arituko dira beti euskaraz, haien elikaduraren protagonistak izanik, modu honetan balio gehiago emango diote janariari.

Elikadura burujabetza helburu gizartean eraldaketa sortzeko, lanean hasi behar gara gazteenetatik hasita, iraultza sukaldean hasten delako!

 

 

Non geratu dira plazak?

Mungiako plaza

Duela pare bat urte, lehen sektorean ari garen hiru lagunok Txilintxoie bloga sortu genuen.Txilointxoie gariaren artean hazten den belar txar bati deitzen zioten Jatabe aldean. Holan ikusten genuen gure burua , porlan artean ernaldutako belaunaldi berria, sasoi batean errotik ateratako belarra berriz hazi guran, gariaren artetik gora egin gura genuen. Belar txarra sekulan ez delako galtzen gure hazia ereiteko artikulu batzuk idatzi genituen.

Gaur, Mungiko plazara bidean horietako artikulu batetaz gogoratu naz

 

NON GERATU DIRA PLAZAK?

Espazio publikoen erabilera indartu nahiean ibiltzen gara askotan, kalea berreskuratu nahiean, dinamika oro plazan aurkezteko apustua egiten dugu. Bada historikoki baserritarren harreman gune, salmenta espazioa, sektorearen presentzia isladatu duena: plaza Astero, hutsik egin gabe, bizirik dagoen espazio publiko izkutua. Agorturik ote?

 

Dudarik gabe, plazak gure herrietako zati nabarmena dira. Herriko gune publiko eta ireki hau, herriaren erdigunean garatzen da. Identitatea, emozioak, eta harremanak batzen dituen ontzi bat da. Fisikoki espazio hutsa izan arren, hainbatetan esangurez betetzen da gizarte bizitzaren harrera gune bihurtuz.

Plaza, bestelako ekintzak antolatzeko erabiltzen dugu; jaialdiak, mitinak, dantzaldiak … eta nola ez merkatu ezin hobea da! Urte askotan zehar baserritarrek bertan bere produktuak plazaratu dituzte. Gaur egun ere, Euskal herriko herri batzuetan, tamalez, gero eta herri gutxiagotan,  astean behin plaza kolorez eta soinuez betetzen da bitartekari gabeko salmentarako prest.

Astero, gure kasuan barikuro, bertoko produktoreak batzen ditu plazak. Harreman gune hori, salmenta zuzenerako apustu hori, etorkizun duin bat elikatzeko gogo hori, astero, barikuro

Badira bertaratzen diren gazte gutxi. Kuku bat egitera hurbildu eta kasualitatez bertoko produktuak ezagutzen dituztenak. Betiko fidelak, gehienak jada bastoiaz lagunduta, tinko mantentzen direnak.

Duela aste batzuk hauxe entzun genuen: “ eztakit edadea dan ala ez, baia halako ekimen txiki honekaz gero eta gehiago disfrutatzen dot”. Nostalgikoen gune bilakatu ote da plaza?

Kontsumo eredua aldatu dala badakigu, espazio handi, koloretsu, erakargarriek asetzen dituzte gure beharrak. Espazio erosoak, “nahi duzun” oro eskeiniko dizutenak. Edo hori da saldu digutena?

Espazioak ez dira berez edo euren egituragatik definitzen, ezpada bertan garatzen diren jarduerengatik baizik,  plaza jenderik gabe ezin da inola ulertu, bertoko produktoreok kontsumitzaile barik ezin dugu bizi.

Bada erreleboa, bada gogoa, baina plazak ezin du alde bakarrez elikatu. Agorturik ote da, egungo gazteen erritmora egokitu behar ote da, edo ordez gazteok plazaren erritmora  egokitu behar gara plaza bizirik iraun dezan?  Duda barik gune publiko eta ireki hau gizarte aldakuntzen lekuko isilik da.

 

 

 

 

 

Talleres niños - Txaramelakoop 1

Txaramela Pasta Eskolako Jantokietan

Azkenaldian eztabaida handia sortu da eskoletako jangelen ereduaren inguruan. 2000urteko araudiaren ostean ikastetxe publikoko jantoki guztiak catering empresa batek gestionatzen baitu sukaldeak desargertzen joan direlarik.

Familiak haien umeen elikaduraz kezkatzen hasi dira, zer jaten duten jakin nahian. Hori dela eta, guraso elkarteengandik bultzatuta eta beste elkarte batzuengatik bebai ekimen berriak sortu dira jangelen kudeaketa aldatu ahal izateko.

Ekimen hauen bitartez, janaria osasuntsua, bertakoa eta justua izatea aldarrikatzen da eta horretarako zubi berriak eraiki behar dira lehenengo sektoreekin eta landa eremuarekin. Oso garratzitsua da umeek ezagutzea nondik datozen jaten dituzten elikagaiak, zelan ekoizten diren etab. Eskolako jantokiek badutelako balore pedagogikoa, elikadura, ingurunea eta kultura ezagutzea.

Jateko pastari dagokionez, gaur egun, ikastetxeetako jantokietan jaten duten pasta agroindustriatik dator. Ekoizterakoan  irin  refinatua lortzeko, kalitate txarreko  garia   erabiltzen dute. Ingurunearen eta gizakion osasuna kontuan hartu gabe. 

Gure pasta ekoizterakoan lehengaiei eta ekoizpen prozesuari garrantzia ematen diogu. Lehenik eta behin, erabiltzen ditugun zerealak modu ekologikoan ekoiztuta daude. Guk garaua jaso eta harrizko errota batean garaua osorik ehotzen dugu nutriente guztiak erabiliz.  Lortzen dugun irin integrala barazki , fruta eta belar aromatiko ekologikoekin nahasten dugu. Horregatik, urteko sasoiaren arabera pastaren kolorea eta zaporea aldatuz doa.

Hau dela eta, eta ondoren aipatuko ditugun beste hainbat arrazoiengatik funtsezkoa da Txaramela Pasta eskolako jantokietan egotea.

  1.  Jangeletara kalitate handiko produktuak iristea beharrezkoa da, mimoz eta zentzuz eginda.

  2. Eragin handia dauka ikasleen osasunean: bitamina, proteina eta nutrienteak ezin hobeak dira.

  3.  Ez dute gehigarririk, ezta kontserbatzaile artifizialik ere. Irin finduarekin lortutako pasta baino naturalagoa eta gozoagoa da

  4. Bertako nekazaritza ekologikoa bultzatzen du, umeen artean kontzientzia latzen. Polita, baliagarria eta oso logikoa da.

  5.  Gaur egun jantokia umeen heziketan atal garrantzitsua izan behar da, janari desberdinak deskubritzen dituzte.

  6. Gauza berriak ezagutzeko aroan daudenez, “testurak, zaporeak, usainak …” asko zaindu beharreko garaia da.

  7.  Txaramela Ingurumen eta Elikaduraren Hezkuntza Eskolan eskeintzen ditugun tailerren eta material didaktikoen bidez pasta ekologiko eta integrala jatearen garrantzia hobeto ulertzeko aukera izango dute ikasleek.

Txalotzeko moduko da guraso eta irakasle batzuen esfortzua. Oztopo guztien gainetik,   bertako baserrietan ekoiztutako elikagaien bidez,  ikastetxeetako jangeletan elikadura ekologikoa eta osasuntsua  txertatzeko proiektuak aurrera eramatearren.

Guk lanean jarraituko dugu kalitatezko produktuak ekoizten,  ama lurraren defentsa eta elikadura burujabetza oinarri izanik!

 

.

Ondo jateko errezeta mundialak / txaramela pasta

Ondo jateko errezeta mundialak (Sasoiko barazkiekin errezeta desberdinak egiteko sukaldaritza ikastaroak)

Gure jateko moduak eragin zuzena daukala ingurunean eta gure osasunean eretxita, Igitiek, Sustraiak katering ekologikoak eta Txaramelak  Ondo jateko errezeta mundialak izena duen sukaldaritza tailerrak antolatu dituzte. Hiru tailer dira. Lehenengoa, Hemen ez da ezer botatzen, probetxu osoa atera jakiei azaroaren 8an Lemoako Karabie Gaztetxean izango da; bigarrena, Zer egin gure kontsumo taldeko saskiarekin, azaroaren 15ean, Igorreko Kiñu Gaztetxean eta hirugarrena, Elikadura, kulturaren parte, munduari begira izenekoa, azaroaren 22an Arteako Herriko Bentan.

Bertako eta sasoiko barazkiak jatean, bertoko baserriak eta gure burua ere elikatzen ditugu. Bertoko ortuetan sasoi batzuk gogorragoak dira bariedadea murritzagoa delako eta horregaitik garrantzitsua da janaria prestatzeko orduan baliabide desberdinak eukitea.

Ikastaro honen bitartez, sasoiko barazkiekin errezeta ezberdinak prestatzen ikasiko dugu eta baita ere janariari lotuta dagoen kultura ere.

Esan bezala, hiru saiotan bananduko da ikastaroa eta saio bakoitzak bi ordu eta erdiko iraupena izango du;

Hemen ez dugu ezer botatzen, probetxu osoa atera jakiei!

Saio honetan, Txaramela Ingurumen eta elikadura hezkuntza eskolak, gure sukaldeetan sortutako jakien soberakinaz baliatuz, errezeta original eta errazak egiten erakutsiko digu.

Gainera, jakiak prestatzen ditugun bitartean erosketa arduratsuaren gakoaz hitz egingo digu, hondakin organikoak murrizteko.

Azaroak 8 Lemoako Gaztetxean 18:00retan

Barneratu barazkien munduan!

Saio honetan, Sustraiak katering ekologikoak, gure ortuetan dauden barazkiak ezagutzen eta erabiltzen erakutsiko digu.

Momentuan ortuan dauzkagun barazkiekin errezeta ezberdinak prestatuko ditugu.

Gutxiago ezagutzen ditugun barazkiak (mizuna, packchoy, kolinabo…) deskubritzen saiatuko gara; horretarako menu barazkijalea prestatuko dugu, lehenengo eta bigarren platerekin baita postrearekin ere.

Azaroak 15 Igorreko Kiñu Gaztetxean 18:00retan

Elikadura kulturaren parte, munduari begirada.

Hirugarren saioan, janariarekin lotuta doan kultura landuko dugu.

Horretarako, munduko herrialde ezberdinetako pertsonak, haien herrialdeetako plater tipikoak egiten erakutsiko digute. Haien ohitura eta errezetak deskubrituko ditugu baina hauek prestatzeko bertoko baliabideak erabiliko ditugu.

Azaroak 22, Arteako Herriko Bentan 18:00retan

Hiru saioak helburu berdina daukate baina independienteak dira, apuntatu zaitezke batera bakarrik bebai, beraz ez galdu aukera eta deitu edo bidali emaila hurrengo telefono edo helbidera.

info@sustraiakcatering.com

645046005 (Roser)

 

 

 

 

Azoka larrabetzu 2018 /txaramela pasta

BERTOKO PRODUKTUEN XX.AZOKA LARRABETZU – TXARAMELA PASTA

BERTOKO PRODUKTUEN XX.AZOKA – TXARAMELA PASTA

Domeka honetan, urriaren 21ean, urtero bezala, Larrabetzuko Plazan Gurpide elkarteak antolatzen duen Bertako produktuen azoka handian egongo gara.

Gurpide Bertoko produktuen elkartea, Larrabetzuko baserritar eta kontsumitzailez osatuta dago. Elkartearen helburu nagusienetakoa hurbileko eta kalitatezko produktuen eskuragarritasuna bultzatzea da. Larrabetzuko eskolarekin ere lan egiten dute umeen menuak bertako ekoizleen  produktuekin osatzen direlarik.

Azoka honen ibilbidea luzea da eta gure kasuan hau parte hartuko dugun hirugarren urtea izango da. Bertan eskuratu ahalko dituzue aste honetan mimo handiz prestatu ditugun zapore ezberdinetako pastak. Azkeneko kalabazin eta piper gorriekin egindakoak, berakatza eta perexilagaz, espinakekin, erremolatxarekin, kurkuma, kurry, albaka etb…

Sasoi aldaketan gaude eta bertako eta sasoiko produktuak kontsumitzea oso garrantzitsua da bai guretzako baita lurrarentzat ere, horregatik azoka honen leloa  “Lurra, lana eta jana”.

Ez dugu ahaztu behar azokak berreskuratzea ezinbestekoa dela, tokikoak diren produktuak, sasoikoak, kulturalki egokiak, alde bientzat prezio justua dutenak eta  osasungarriak diren elikagaiak eskuragarri izateko.

Gainera horrela kontsumitzen badugu beste kontsumo eredu bat bultzatzen dugu eta azokako kontsumitzaile bakoitzak bertoko ekoizleen elikagai prozesu produktibo osoa ezagutu, konpartitu eta babestu egiten du. Kontsumitzaileak ekoizlea ezagutu eta bere kontaktua izango du.

Zirkuitu laburrak eratzeko baserritarren eta herritarren arteko harremanak landu eta zubiak eraiki behar ditugu, norbanakoen konpromisoa jorratu behar da, elkarrekiko ezagutza bultzatu eta ahalik eta erantzukizun partekatu handiena sustatu behar da.

Hori dela eta domeka honetan Larrabetzura bertaratzera animatzen zaituztegu, giro ona eta produktu ezin hobeak udazkenari aurre egiteko . Azokaz aparte, kartelean ikusi ahal duzuen bezala ekintza ezberdinak egongo dira azokaren egunean eta aste horretan zehar:

  • Landa-lurra ondare estrategikoa: Larrabetzu (Gaindegia ren eskutik)

Urriak 17, 19:00retan Anguleri kultur etxean

  • Ariketa fisikoaz gozatu bertoko lorategiak txukunduz. (Gym Berdearen eskutik)

Azokako egun berdinean goizeko 12:00etan

  • Basogintza Bizkaian. Eta orain zer? (Kolore Guztietako Basoak-en eskutik)

Urriak 30, 19:00 retan Angulerin Kultur etxean

 

Ez galdu aukera, animatu eta erdu azokara!!